عام 2030، شطر البنكاجية و بياعة القروضات و Mr Chef d'Agence اللي تعرفوهم باش يصبحو بطالة | القروض الرقمية باش تقلب كل شيئ

عام 2030 يفصلنا عنو 8 سنوات و نصف.

السلفادور اول دولة في العالم تعترف بالبيتكوين عملة رسمية للبلد متاعها.
تغييرات عميقة جدا باش تشوفوها في العشرية هذه:
العملة اللي باش تقتل الدينار التونسي هي USDT.
الدينار التونسي اللي تعرفوه قاعد يحتضر تدريجيا، و حتى تفلس تونس موش مشكل.
باش يقعد بالاساس العملة اللي تخلص بيها الدولة الموظفين.
فمة جيل مواليد 2000 و جيل 2010 خصوصا: الاجيال هاذوما تولدوا لقاو الانترنات حاجة موجودة بخلاف جيل 1990.
فمة جماعة مازالت تتزندق تقولك الولد عابد التابلات و التاليفون و هو في قرارة نفسو يموه على غيرو و فرحان اللي ولدو مغروم بالاعلامية، اما هاوكة عل العين عامل روحو يتشكى. قال اشنوة "ركبتلو مرايات" الخ.
انا ما عنديش صراع اجيال لا مع جيل محمود لا مع جيل اطفالي: مصطلح غربي مستوردينو من مظاهرات الهيبي في 68.

البانكة ما تسلفكش كان باجراء كبير و كان بتكسير كرايم.
تحب تعمل قرض ربوي رقمي: تفضل موجود على 6 شهور.
لا حاجتهم لا بتعريف بالامضاء و لا باتيندة و لا شهادة نظافة و لا رشوة و لا نكلمو السياج، و لا دراسة متاع تضارب مصالح مع سي بن مبروك و غيرو..
تحب 10 ملاين حط 16 مليون تحتك فلوس.
تحب 100 مليون حط 160 مليون في الضمد.
شركة القروض الصغرى كيما الاندا موش باش تلقاهم عام 2035 اللي يضربوا في الربا متاع 22% في القروض الصغرى.