google.com, pub-4360618444531241, DIRECT, f08c47fec0942fa0 Important Mining Tips نصائح مهمة في الماينينغ 2022

القائمة الرئيسية

الصفحات

أخبار الاخبار

Important Mining Tips نصائح مهمة في الماينينغ 2022

 

 

Important Mining Tips نصائح مهمة في الماينينغ 2022

 

Top 2 Important Tips For Getting Into GPU Mining

تعريف الماينينغ و شنوة هو بالضبط و كيفاه يصير هذا الكل تلقاوه على اليوتيوب الاف الناس تحكي فيه
نصائحي للمبتدئين والناس لي تحب تبدا بحاجات خفيفة و تنجم تنجح و تصور الخير و البركة , لكن بالتعلم و الصبر و وسع البال , هاو كيفاش بالضبط :

1- فكرة انك بش تولي لاباس عليك من الماينينغ في تونس او في اي بلاد في العالم , راك تحلم و تحسب في حسابات غالطة , الناس الكبار لي تمايني ربحهم الاساسي مهوش من الماينينغ, انما من تداول أو تخزين العملات الي يمينيوها, بالطبيعة بعد ما يرجعو اسوام الماكينات متاعهم .
و خلينا نتفقو انه الناس لي عندهم Farm يصورو في اموال خيالية بعد ما يخلصو كوارطهم , اما تبع مليح تو تفهم اكثر مرابيحهم وين تمشي .
2- الفلوس لي بش تجيبهم من الماينينغ ما تجريش تبيعهم و تقبض بالدينار التعيس , إلا إذا كان حاجة اكيدة مثلا بش تخلص حق المكينة لي تسلفته او خلاص الكهرباء او اي حاجة تشوف انها مهمة ياسر و لازمها تخلص.
3- كان عندك او نجمت تتصرف في حق غرافيك كارد او مكينة كاملة فيها كارطة , اتوكّل على الله و ما تستصعبهاش و متقولش لا .
4- اي شخص يقلك راهو الماينينغ ميربحش و مفيهش فلوس و بش يمشيولك ضو و الريق هذا , لا عاد تسمعو و لا تحكي معاه و لا عاد تجبدلو على الكريبتو اصل راهو خاطيه الدومان جُملة و تفصيلا و قاعد يضيعلك في وقت من حياتك .
5- الي شيقلك غليتو علينا الخبزة و جرتكم غلاو الكوارط و الريق هذا زادا , كيف كيف ابعد عليه و متضيعش وقتك معاه , الناس هاذم الي يتبعهم يفشل قبل حتى ما يحاول والا يتعلم والا يبحث .
6- امور الـ POOL وشنية هي و كيفاه تخدم و البرامج و المواقع لي بش تجيب منها التطبيقات الوسيطة للماينينغ كيف nicehash / ethereum/ ergoplatform / binance ...
و امور المحافظ الالكترونية كيف coinbase و غيرها , نخلي الزملاء في المنتدى يحكيولكم عليها بشكل مفصّل بش ما نحرقش الكوارط الكل هههه

7- نصائحي و الي يهمني في الماينينغ معاكم شباب هو الامور التقنية ,
7- 1/ حساب الضو و الاستهلاك تاعك , ادخل للموقع هذا تع الستاغ و هو عبارة على simulateur يعطيك تقريبيا استهلاكك :
Steg Simulateur
بش نسهلها عليكم , كل كارطة عندها حد اعلى للاستهلاك تع الضو ما تفوتوش مهما يصير , تنجم تعرفه من خلال الدخول للموقع الخاص بالكارطة هاكي , ناخذو كمثال , RTX 3070
في الموقع الرسمي موجود انهTDPأو Thermal Design Power تع الكارطة هذه هو : 220w

Important Mining Tips نصائح مهمة في الماينينغ 2022



7- 2/ لكن مهوش هذا هو الاستهلاك الي بش توصله الكارطة كي بش تميني بيها بالطبع , لانه مكش بش تستعمل ال GPU Clock اصلا انت , الماينينغ بالغرافيك كارد يعتمد اساسا على سرعة و اداء الـ Memory clock
اللي يستهلك اكثر كهرباء في الغرافيك كارد هو ال GPU Clock , و هنا النقطة المهمة . ال RTX 3070 كمثال استهلاكها تنجم تطيحو حتى ل 122w في الساعة خلال الماينينغ , الي هو تقريبا 3Kw في 24 ساعة ماينينغ .
حساب استهلاك الغرافيك كارد وحدها في الشهر يطلع 3x30=90Kw , طبعا فما استهلاك تع الحاسوب خاتر البروسيسور و غيره يستهلكو زادا لكن اقل ببرشا من الغرافيك كارد.
الكارطة هذه تجيبلك في النهار ما معدله 5-7$ , يعني في الشهر كحد ادنى 150$ , منحكيش على اوقات المعاملات الكبيرة الي توصل فيهم الكارطة هذه كمثال تجيبلك اكثر من 10$ في النهار
و لي هي طبعا متصيرش ديما الحكاية هذه لانها مرتبطة ببرشا عوامل اخرى .
سوم الكيلو في تونس يبدا تقريبا من 170مليم , ثم يزيد كي تفوت حد معين تع استهلاك , الجدول هذا في موقع الستاغ تلقا فيه التفاصيل تع تعريفات الكهرباء :
تعريفات الكهرباء في تونس

7- 3/ بش تعرف ربحك و استهلاكك للكهرباء تقريبا , اكتب على غوغل Graphic card Profitability , و بشكل عام هنا تلقا ال profitability تع كل كارطة بشكل تقريبي :
Whattomine

7- 4/ الغرافيك كارد بش تحافظ عليها يلزمك حاجتين :
يلزم تحافظ على اقل درجة حرارة ممكنة فيها , وفّرلها تبريد ممتاز بالمراوح تع الcase و في الصيف خليها في ابرد بيت في الدار , بش تحافظ على اطول عمر ليها ,
يلزم تحافظ على تنظيفها بشكل دوري من الغبرة ,حتى لو مكش بش تخدمها 24 ساعة . الغبرة تدمرلك المراوح , ايه ادمرهملك بالوقت , و كان المراوح تعطلو راك بش توقع في مشكلة , مش بالساهل بش تلقا شكون يبدلهملك في تونس و خصوصا في وقتنا هذا الي الكوارط فيه نادرين.
كان بش تشري مكينة خويا , فما كوارت مار مخصصين للحكاية هذه , كيما b250* و الي موجود منها في برشا ماركات كيف ASUS/ASROCK/Gigabyte...
الكارطة هذه مكش بش تستحقها اصلا الا لو بش تكبر في المشروع و تاخذ عدد كوارط كبير , وطبعا صعيبة الحكاية تو كان مش مستحيلة .
المهم , انت مكش بش تستحقها الكارطة هذه اصلا و مكش بش توصل تستعملها الا في حال توفرتلك فلوس و توفرت الغرافيك كارد في تونس بثمن مناسب , و الي هي حاجة نراها مستحيلة على الاقل لعام اخر.
يعني ال build لي بش تلقاها كاملة بالغرافيك كارد خوذها و توكل على الله .
build = حاسوب مركب و مهوش من ماركة معينة , للناس لي ما تعرفش
*شنية كارطة b250 ؟
Asus B250-Mining Expert

Important Mining Tips نصائح مهمة في الماينينغ 2022



*هذه وحدا كمثال , هي كارت مار , فيها عدد كبير من منافذ PCIe , شنوما المنافذ هاذم ؟
هو منفذ مخصص للملحقات الاضافية لي تنجم تزيدها في حاسوبك , Peripheral Component Interconnect Express , مثلا audio card / LAN card / graphic card ...
و كل ما يكون عندك عدد اكثر منه في الماذربورد تنجم تزيد غرافيك كارد اكثر , هذه تفاصيل بسيطة لعامّة الناس بش تفهم فاش نحكيو.

7- 5/ فما برشا تفاصيل تخص انواع الكارت مار , فئات A/H/B/X/Z ... و أساسيات مهمة لو حبيت تثقف روحك و تتعلم شوي حاجات تخص عالم الهاردوير , فنصيحة مني ليك أبدا بيهم خاتر بش يفيدوك يااسر
و خصوصا تتعلم امور خاصة بالـ bios , شنو هو و كيفاه تعدل عليه , هذه حاجات راك كان تتعلمها او يكفي انك تفهمها و تطّلع عليها بالباهي , راك تنجم تعمل خطوة باهية تسهلك حاجات اخرين من بعد
و كان تحب تبع زوز فيديوات على اليوتيوب كيفاش تركح كونفيغ البيوس لي عندك للماينينغ كان عندك اكثر من كارطة , منغير ما تتعمّق . ميسالش زادا المهم ما تعمل شيء منغير ما تتعلّم.
تقنيا , اي ماذربورد تتباع مع الbuild الموجودين في السوق تمكنك من الماينينغ و بدون اي اشكال

7- 6/ كل ما يخص الـ overclock للغرافيك كارد و البرامج لي تعمل الحكاية هذه كيف برنامج MSI Afterburner و غيره , يلزمك تتعلمهم , مش تطّلع عليهم لا , يلزمك تتعلّمهم بالباهي بش تحسن من الاداء تع الكارطة متاعك و تعطيك احسن نتيجة و تخفض من استهلاك الضو لأقصى حد ممكن و تفهم فاش قاعد تعمل.

7- 7/ ما تشري حتى حاسوب من حتى محل الى ما تستشير هنا في المنتدى في القسم المناسب , اهل مكّة أدرى بشعابها كيما يقولو , تحب والا تكره عادي تشري كونفيغ من شركة ب 3 ملاين و هي في شركة اخرى موجودة ب 2
الحكاية موجودة و تصير و تاكل صوابعك ندم كان تصيرلك لا سمح الله , الله غالب هذا سوق و فيه عرض و طلب , إسأل و اصبر و وسّع بالك مخسرت شيء .

7- 8/ الغرافيك كارد القدم الي كيف 1050Ti - 1060 ابعد عليهم و متشريهمش ابدا مهما كان سوم المكينة رخيص يظهرلك , بش تطلع خاسر فيهم بطول الوقت , لانهم بلغتنا "عمرهم في الماينينغ مُنتهي" على قريب و حساباتك الكل بش تطيح في الماء ,
الغرافيك كارد من فئة rtx 30 او rx 6000 او rtx 20 , كان تيسرت امورك و خلطت على كعبة فيهم , متفلتهاش ابدا , الخدمة الكبير الكل بيهم , نعرف غاليين و كذا , اما هذه نصائح يعني و كل شخص و ميزانيته و امكانياته.

7- 9/ مازلنا نحكيو على شخص بش يمايني بغرافيك كارد وحدا , الى حد الآن كل شيء مكفّيك خويا و بعد ما تتعلم امور البرامج و تبدا تميني على روحك :
ادخل لعالم التداول و التخزين , فما عملات التخزين فيهم و الربح يصير على اوقات قصيرة و فما لي على اوقات طويلة توصل للاشهر و السنوات , الامور هذه الكل تلقاها في القسم هذا حسب ما شفت بداو يهبطو في تفاصيلهم.
الي يهم في هذا الكل , يلزمك تفهم انه الفرنك لي بش تحطه في الترايد او التخزين , يلزمك تكون مستعد انك تخسره في كل لحظة و تكون واقعي عاللخر زادا , شمعناها ؟
يعني متحطش دولار في عملة سومها 0.1 $ و ترقد و تفيق تحب تلقا روحك مليونير , خليك منطقي شوي و تعلم اقرا ال chart و تعلّم على اناهو اساس تطلع و تهبط الاسوام.

7- 10/ مش اي عملة رخيصة راهو كي تستثمر فيها بش تولي "إيلون ماسك" , فما برشا تفاصيل اخرى يلزمك تعرفها كيف airdrop و pump&dump و غيرهم , تلقاهم هنا بالتفصيل

 

 


 


7- 11/ تو بش نحكي شوي مع تجار المخدرات , تمشيش تبلوكيني أدمين 

 
تجار المخدرات , الناس الي سهللها ربي و دبرت 2 كوارط أو اكثر للماينينغ
الكارت مار متاعك تقبل من 2 إلى 6 غرافيك كارد في نفس الوقت , منحكيش على الكارت مار B250 . نحكي هنا على أي مودال اخر موجود في السوق التونسية
سواء كان Socket AMD ou Socket Intel
من A320 و B450حتى ل X570 و z590 و غيرهم
بما انه عندك اكثر من كارطة او بش تشري تو كارطة ثانية او ثالثة .. , يلزم تشري معاهم قطعة اسمها Riser card :

1621213183751.png


هذه موجودة في تونس و سومها شهرين لتالي كان 40د , اولاد الحلال زادو سومها حتى ل 60 و 70د , رغم لي هي في aliexpress سومها كان خلات و جلات 5$
لا ديوانة و لا اداءات و لا ريق بارد , الخيط الكل نعرفوه و مستحيل يوصل سومها هكاكا , اما هي تقعد تجارة كل واحد يشري و يبيع كيما يحب
اما هذا احنا و هذه حقيقتنا , نحطمو بعضنا و نمصّو دم بعضنا في كلّ شيء , الله غالب
المهم , تشري قداش لازمك من الكارطة هاكي على عدد الكوارط الي بش تركبهم , و قبل هذا الكل , يلزمك تبدل ال PSU (power supply)
علاش ؟ لأنك بش تخدم اكثر من كارطة , يلزم تعطيهم الكهرباء اللازمة ماكانش مش بش يمشيلك شيء بالطبيعة
يلزمك تعمل حسابك حسب عدد الكوارط الي بش تخدم بيهم , و الموقع هذا يعملك الحساب الي تحب عليه , دخل المعلومات اللازمين ثم النتيجة النهائية زيد عليها 50w كحماية
و تو تعرف :
Outervision

باهي بالنسبة لتفصيل انواع ال PSU و تفصيلهم الكل تلقاوه هنا في قسم الصيانة و الهاردوير على المنتدى
تعرف على شهادة 80+ لعلبة تغذية الطاقة للحاسوب


7- 12/ أخيرا ,
ما فما حتى شيء مضمون في عالم الكريبتو , لكن الي نأكدهولك خويا , راك كيما تنجم تصور الخير و البركة في وقت قصير , كيما تنجم تعدي السنين و متصور حتى مليم
الي يفرق بين هذا و هذا هو حاجة وحدا , صبرك و تعلّمك و فهمك للدومان مليح , من بداية الماينينغ كيفاه و شنو هو الBlockChain و شنية هي العملات الالكترونية و كيفاه تتعمل و حتى الفرق بين الماينينغ بالويندوز و اللينكس و و و ..

تعلّم و أبحث على اليوتيوب و الغوغل و متجريش على الخبزة الباردة و اقرا على العملات الناجحين و شنية المشاريع المبنية عليهم
عطيت رؤوس اقلام و حاجات خفيفة فقط مهمش نصائح كبار يعني
الكلام يخص المبتدئين عاللخر الي مازالو جدد و اول مرة يطّلعو على المجال
العجائز تع الدومان تعدّاو راهو خاطيكم ههههه
:hi:

الي يرا في كلامي خطأ او حاجة مش واضحة او عنده استفسار يكتب , و عجائز الدومان مرحبا بكلّ تصحيح او توجيه منكم
نشوفكم بخير

 

هل اعجبك الموضوع :

تعليقات

التعليقات

recentcomments

أخر المواضيع